Está Vd. en

Teño que estar rexistrado en “Mi BOE” para utilizar os seus servizos?

Si. Para utilizar os distintos servizos de “Mi BOE” (alertas informativas, buscas frecuentes, actualización de normas consolidadas e de códigos electrónicos), ten que darse de alta cun nome de usuario e un contrasinal.

subir

“Mi BOE” é gratuíto?

Si, é gratuíto.

subir

Que tipos de alerta podo subscribir?

“Mi BOE” conta con distintos tipos de alerta co obxectivo de adaptarse ás súas necesidades concretas de información

  • Alertas informativas:
    • de lexislación
    • de nomeamentos, oposicións e concursos
    • de anuncios de contratación
    • temáticas
  • Alertas de anuncios de notificación
  • Alertas sobre unha busca nas bases de datos
  • Alertas de actualización de disposicións consolidadas
  • Alertas de actualización de códigos electrónicos

subir

Como podo rexistrarme en “Mi BOE”?

  1. Acceda ao formulario de rexistro de novo usuario premendo sobre a ligazón “Rexistrarse”.
  2. Complete as casas:
    • “Nome”
    • “Correo electrónico” (este será o seu futuro nome de usuario e a dirección á que reciba as alertas)
    • “Contrasinal” (o que vostede desexe)
  3. Introduza os caracteres da imaxe que aparece no apartado “Verificación de seguridade”. Trátase dun código (denominado “captcha”) para evitar ataques informáticos aos servidores das páxinas que usan formularios.
  4. Lea a información básica sobre protección de datos.
  5. Marque a casa de “Acepto as condicións de servizos”.
  6. Faga clic no botón de “Enviar”.
  7. Nese momento, o noso sistema enviaralle unha mensaxe co asunto “Mi BOE - Verificación de correo electrónico”. Asegúrese de que esta mensaxe de “Mi BOE - Verificación de correo electrónico” non entrou en ningunha carpeta de spam.
  8. Faga clic na ligazón que contén ou copie o número de seis díxitos que figura nesa mensaxe para teclealo na páxina de confirmación de correo, e prema na opción “Enviar”. Este paso é necesario para evitar que outra persoa poda suplantalo e subscribilo a unha alerta se coñece a súa dirección de correo.

subir

Que peculiaridades ten a alerta de anuncios de notificación?

Para garantir que a información dos anuncios de notificación chega á persoa afectada e non a terceiros, a subscrición a este tipo concreto de alerta require identificarse por medios electrónicos a través dos servizos de Cl@ve co fin de garantir que a información dos anuncios de notificación chega á persoa afectada e non a terceiros.

Conta con máis información sobre este tipo de alertas no apartado de Notificacións en BOE

subir

Xa teño usuario e contrasinal, como accedo á miña conta?

Acceda á páxina Mi BOE e encontrará o formulario de acceso para ingresar o seu nome de usuario (correo electrónico) e o contrasinal que elixiu.

Outra opción é acceder por medio dalgunha rede social, mediante o chamado “login social", como Twitter, Facebook ou Google+.

subir

Que é o login social?

O login social serve para unificar o proceso de ingreso en distintos servizos web se xa temos unha conta nalgunha rede social.

Se así o desexamos, podemos utilizalo e ingresar no servizo de Mi BOE cun só clic, sempre e cando nos teñamos autenticado nunha conta de Facebook, Twitter ou Google+ activada para este tipo de acceso.

subir

Esquecín o meu contrasinal ou a miña conta foi bloqueada por superar os intentos ao ingresar o contrasinal; que fago?

Se dispón de usuario e non logra acceder ao servizo “Mi BOE” porque esqueceu o seu contrasinal ou a súa conta foi bloqueada, pode establecer un novo a través do seguinte formulario:

http://www.boe.es/mi_boe/id/asistencia.php

Siga os pasos da mesma forma que o fixo cando creou a súa conta.

subir

Como me subscribo ás “Alertas informativas”?

Unha vez iniciada a sesión en “Mi BOE”, desde esta páxina seleccione a materia sobre a que quere recibir información entre as distintas opcións que existen para cada tipo de alerta.

Unha vez seleccionada a subscrición, prema “Gardar”

subir

Que diferencia existe entre facer unha alerta informativa e unha alerta sobre unha busca?

As alertas informativas refírense a un número limitado de materias.

Porén, se vostede necesita recibir información máis específica que só se localiza realizando unha busca nas bases de datos da web, pode subscribir unha alerta de busca. Por exemplo, se quere recibir un aviso sobre os plans de estudos de medicina ou sobre os premios Miguel Hernández, ou a convocatoria de prazas de formación sanitaria especializada, ou sobre todo o que publique o Ministerio de Educación, etc.

É moi importante elaborar coidadosamente a busca que se vai gardar porque unicamente se recuperará información que conteña as mesmas palabras utilizadas na estratexia de busca gardada. Para comprobar se a súa estratexia de busca é a axeitada, pode servirlle de axuda analizar os resultados que aporta a base de datos á súa consulta no momento previo a gardar a busca.

No caso das alertas informativas, as materias son máis xenéricas e están normalizadas, xa que utilizan unha linguaxe controlada e documentalistas expertos supervisan a súa remisión.

subir

Como se garda unha busca?

Primeiro realízase a busca na base de datos de interese (Lexislación, Persoal, Outras disposicións, Anuncios da Administración de Xustiza en BOE, Anuncios de contratación en BOE): https://www.boe.es/buscar/

Na listaxe de resultados que aparece unha vez realizada a busca móstrase na parte superior un separador coa opción de “Gardar busca”.

Prémese o botón correspondente e engádeselle un nome identificador que permita gardala no noso perfil.

Vostede poderá gardar a busca para poder executala facilmente cada vez que acceda ao noso sistema desde o panel de control.

Ademais, poderá recibir unha alerta por correo electrónico cando existan novidades relacionadas cos criterios de busca que estableza. Se non desexa recibir a alerta por correo electrónico, deberá desmarcar esta posibilidade que se lle ofrece antes de gardar a busca.

captura de pantalla de gardar busca

subir

Como se subscribe unha alerta de actualización dunha norma consolidada?

Primeiro localízase a norma de interese, desde o formulario de busca das bases de datos de Lexislación ou buscando na base Todo o BOE.

Unha vez localizada a norma, acceda ao texto consolidado, premendo sobre a icona:

captura de pantalla da ligazón ao Texto consolidado

E na parte superior dereita de pantalla aparecerá a opción “Recibir alerta"

captura de pantalla do separador recibir alerta

subir

Como se subscribe unha alerta de actualización dun código?

Primeiro localízase o código do seu interesa, desde a Biblioteca Jurídica Digital.

Na pantalla inicial de cada código, indícase que para recibir unha alerta gratuíta por correo electrónico cada vez que se actualice o código debe iniciar sesión en “Mi BOE”.

captura de pantalla do aviso de inicio de sesión en “Mi BOE”

Facendo clic sobre a ligazón a “Mi BOE” que aparece, inicie sesión co seu nome de usuario e contrasinal en “Mi BOE”.

“Mi BOE” ofreceralle a continuación a pantalla inicial de cada código para que vostede complete o check para a recepción da alerta.

captura de pantalla da subscrición á alerta de actualización dun código

subir

Existe un número límite de alertas ás que subscribirse?

Pode subscribir, para cada tipo de alerta, ata un máximo de 50.

subir

Cando se reciben as alertas?

As mensaxes de correo electrónico recíbense o mesmo día (salvo sábados e festivos) no que se publica o BOE, algunha disposición ou anuncio, ou se actualiza algún contido relacionado coa materia seleccionada.

No caso das alertas de actualización de normas consolidadas e de códigos, as mensaxes recíbense o día en que se produce a actualización dos textos unha vez publicada a modificación normativa no BOE.

Se non se publica nada relacionado coas súas alertas, non se recibirá ningún correo.

subir

Podo anular o envío dunha alerta informativa?

Unha vez iniciada a súa sesión de “Mi BOE”, no panel de control debe entrar no grupo de alertas específico (lexislación; nomeamentos, oposicións e concursos; temáticas; anuncios de contratación) e desmarcar a casa da alerta que queira anular.

subir

Podo anular temporalmente ou eliminar unha ou varias subscricións a “os meus códigos electrónicos”, “as miñas buscas” ou “as miñas disposicións consolidadas”?

Desde o panel de control, así como desde cada un dos cadros específicos de cada servizo (todas as miñas buscas, todos os meus códigos electrónicos, todas as miñas disposicións consolidadas), pode controlar o envío de correos electrónicos (columna coa opción "correo" marcada) ou a eliminación definitiva da busca, do seguimento dun código, etcétera.

subir

Podo anular temporalmente o envío de TODAS as mensaxes de alerta?

Se vostede non quere recibir correos de alerta de ningún tipo durante un tempo pero quere conservar a súa configuración, en o meu perfil ten unha casa para marcar a “desactivación temporal de envío de correo electrónico”.

Se pasado un tempo desexa volver a recibir eses correos, desmarque a opción.

subir

Como podo darme de baixa de “Mi BOE”?

Na páxina de “o meu perfil” ten un botón co que pode “eliminar perfil de usuario”. Borraranse todos os seus datos, así como os seguimentos, alertas, etcétera.

Unha vez realizada esta operación, para volver a usar o servizo “Mi BOE” tería que crear un novo perfil co seu correo e un novo contrasinal.

subir

A onde acudo se teño algún problema ou algunha dúbida?

Contacte co noso Servizo de Atención á Cidadanía na seguinte ligazón: Contactar

subir

Axencia Estatal Boletín Oficial do Estado

Avda. de Manoteras, 54 - 28050 Madrid