Axencia Estatal Boletín Oficial do Estado
Sentenza do 5 de xullo de 2016, da Sala Terceira do Tribunal Supremo, que estima o recurso contencioso-administrativo interposto e anula a disposición transitoria 26 do Real decreto 876/2014, do 10 de outubro, polo que se aproba o Regulamento xeral de costas.
Sentenza do 14 de xullo de 2016, da Sala Terceira do Tribunal Supremo, que estima parcialmente o recurso contencioso-administrativo interposto e anula o artigo 8.1 do Real decreto 1048/2013, do 27 de decembro, polo que se establece a metodoloxía para o cálculo da retribución da actividade de distribución de enerxía eléctrica, en canto non establece previsión ou excepción ningunha que permita retribuír o sobrecusto derivado do soterramento dunha liña da rede de distribución eléctrica que discorra por solo rural cando este soterramento veña imposto por unha norma estatal ou comunitaria.
Sentenza do 19 de setembro de 2016, da Sala Terceira do Tribunal Supremo, que estima parcialmente o recurso interposto contra o Real decreto 413/2014, polo que se regula a actividade de produción de enerxía eléctrica a partir de fontes de enerxía renovables, coxeración e residuos, e contra a Orde IET/1045/2014, do 16 de xuño, pola que se aproban os parámetros retributivos das instalacións tipo aplicables a determinadas instalacións de produción de enerxía eléctrica a partir de fontes de enerxía renovables, coxeración e residuos; declara a nulidade dos anexos II, VII e VIII da dita orde na parte referida ás instalaciónes de tratamento e redución do xurro en canto aos valores e parámetros relativos a custos de investimento e de explotación á instalación tipo IT-01417, e na ponderación doutros ingresos de explotación e do autoconsumo, e recoñece o dereito da sociedade actora a ser indemnizada conforme a normativa que se aprobe en execución de sentenza.
Sentenza do 22 de setembro de 2016, da Sala Terceira do Tribunal Supremo, que estima o recurso interposto contra a Orde IET/1491/2013, do 1 de agosto, pola que se revisan as peaxes de acceso de enerxía eléctrica para a súa aplicación a partir de agosto de 2013 e pola que se revisan determinadas tarifas e primas das instalacións do réxime especial para o segundo trimestre de 2013, e declara non conformes a dereito o seu artigo 1 e o anexo I na medida en que non inclúen entre os custos que deben sufragar as peaxes de acceso para o segundo período de 2013 os suplementos territoriais a que se refiere o artigo 17, punto 4º, da Lei 54/1997, do 27 de novembro, do sector eléctrico, segundo a redacción dada polo artigo 38 do Real decreto lei 20/2012. O Ministerio de Industria, Enerxía e Turismo deberá incluílos nos termos establecidos na disposición adicional décimo quinta do citado Real decreto lei 20/2012.
Axencia Estatal Boletín Oficial do Estado
Avda. de Manoteras, 54 - 28050 Madrid
